Images

စွက်ဖက်လာသော ယဉ်ကျေးမှုများ



စွက်ဖက်လာသော ယဉ်ကျေးမှုများ

        မြန်မာနိုင်ငံ၏ လက်ရှိယဉ်ကျေးမှုသည် အတုခိုးမှုများကာ ကိုးရီးယားနယ်အတွင်း ကျရောက်နေသည်ကိုတွေ့ ရ၏။ မိန်းကလေးသာမက ယောက်ျားလေးများပင် ထိုသို့ အတုယူထားကြသည်ကို တွေ့ ရသည်။ ၀တ်စားဆင်ယင်မှု မဆိုထားနှင့် သောက်စားလာမှုများကို မှားယွင်းစွာအတုယူလာကြသည်။
          စင်စစ်အတုဟူသည် အစစ်မဟုတ်ပါ။ အစစ်နှင့် ဆင်တူယိုးမှားဖြစ်အောင် လုပ်ထားခြင်းမျှသာဖြစ်ပါသည်။ ထိုသို့ ပင် မြန်မာလူမျိုးတို့ ဝတ်ဆင်ထားသည့် ကိုးရီးယားမိတ်ဖြစ်ပါစေဦး ၀တ်ထားသောခန္ဓာသည် မြန်မာမိတ်သာဖြစ်သည်ကို သတိချပ် သင့်ပါသည်။
ဟိုတလောက ကိုးရီးယား-မြန်မာ contact တစ်ခုကျင်းပခဲ့သည်။ ကျွန်မမျှော်လင့်ခဲ့သည်က ထိုပွဲတွင် ဖျော်ဖြေမည့် မြန်မာမလေးတို့ ကို မြန်မာအ၀တ်အစားဖြင့်သာ။ သို့ သော်……….
ကောက်ချက်ချရလျှင် ကျွန်မတို့ မြန်မာတွေရဲ့ စိတ်ပိုင်းသတ္တိ mental courage အတော်အားနည်းခဲ့ပါသည်။ တကယ် တော့ ရှေးပဝေသဏီကတည်းက အိန္ဒိယ၊ တရုတ်စသော နိုင်ငံများက ယဉ်ကျေးမှုတွေက မြန်မာများအပေါ် တစ်နည်းမဟုတ် တစ်နည်း သက်ရောက်လွှမ်းမိုးခဲ့ကြဖူးပါသည်။သို့ သော် ရှေးမြန်မာတို့ က တရားသောသဘောဖြင့် မည်သည့်ယဉ်ကျေးမှုကိုမျှ မဝေဖန် မဆန်းစစ်ဘဲ လက်ခံခဲ့သည်မဟုတ်ပါ။
ယခုဆိုလျှင် ဖက်ရှင်ဆိုသည့်စကားလုံးဖြင့် မူရင်းယဉ်ကျေးမှုများကိုပါ ပျက်စီးအောင် ဖန်တီးလာခဲ့သည်။ ဘယ်ဟာက အလှ၊ ဘယ်ဟာက ဖက်ရှင်မှန်း ခွဲမရအောင်ပင် ဆန်းသစ်တီထွင်လာကြသည်။ ၀တ်တဲ့သူကလည်း ၀တ်ရဲသည်။ သူများနိုင်ငံက သူများတွေဝတ်သည်ဆိုသည်က သူတို့ မွေးကတည်းက နေထိုင်ခဲ့သည့် ယဉ်ကျေးမှုဖြစ်၍ ၀တ်တတ်သလို ထိုင်တတ်သည်။ သွားတတ်သည်။ မြန်မာမလေးများ သတိထားသင့်ပါသည်။
နာမည်ကြီးမဂ္ဂဇင်းတစ်ခုထဲတွင် မြန်မာအမျိုးသားမော်ဒယ်လေးများ၏ အလှဓာတ်ပုံများကို ဖော်ပြထားရာ ထိုအမျိုးသား တို့ တွင် အင်္ကျီတစ်ယောက်မှမပါ။တချို့ တွင် ရှင်လောင်းများဝတ်သည့် စလွယ်အတောင်များပင် တပ်ထား၏။ ဘာကိုအလှလဲ ကျွန်မဖြင့် စဉ်းစားမရ။ ကိုးရီးယားရုပ်ရှင်အချို့ တွင် မင်းသားတို့ သည် သူတို့ ၏ အပေါ်ပိုင်းအင်္ကျီချွတ်တာကိုပင် ရှက်တတ်သည် ကို တွေ့ ဖူးသည်။ သို့ သော် မြန်မာအမျိုးသားက ဘာကြောင့် မရှက်တတ်ကြသနည်း။
အကယ်ဒမီပွဲတက် မြန်မာမင်းသမီး မဖြစ်တဖြစ်တွေ၏ ၀တ်ဆင်မှုကလည်း မြန်မာမဆန်လှချေ။ ပြည်သူတို့ ၏ အချစ် တော်ဖြစ်၍ ပြည်သူတို့ တွက် စံပြဖြစ်ကာ အမြင်တင့်တယ်စေကာ အဆင့်အတန်းရှိသော အလှဖြစ်စေချင်သည်။
ဟိုတလောက မြန်မာဇာတ်ပွဲတစ်ခုတွင် (ဇာတ်ထဲမှ မင်းသမီးများမဟုတ်) ဗွီဒီယို၊ ရုပ်ရှင်မှ မင်းသမီး ၃ လက် ပုဂံအက ကသွားသည်။ ဤမျှ ဆိုးရွားလှသော ပုဂံဝတ်စုံမျိုး စင်စစ်မရှိပါ။ ပုဂံဝတ်စုံသည် ထူးဆန်းစွာလှပပြီး လုံခြုံမှုရှိပါသည်။ သို့ သော် ထိုမင်းသမီးတို့ ဝတ်ဆင်ထားမှုသည် မည်သူထွင်ပေးလိုက်သည်မသိ။ ကြည့်ရသူပင် ရှက်လှပါသည်။
ကျွန်မဆိုလိုချင်သည်က အတုခိုးလျှင်ခိုးပါ။ မိမိယဉ်ကျေးမှုနဲ့ နှိုင်းကာ ၀တ်ပါ။ ဖက်ရှင်ကို ထွင်ချင်သလိုထွင်ပါ။ ရှိပြီးသား ယဉ်ကျေးမှုကိုတော့ မဖျက်ဆီးသင့်ပါဟုသာ ဆိုချင်ပါသည်။
ကိုယ်ကို စောင့်ရှောက်သကဲ့သို့  ဂုဏ်ကိုလည်း စောင့်ရှောက်သင့်ပါသည်။ ကိုယ်သည် အသက်မဲ့သော် ပျောက်ပျက် သော်ငြား ဂုဏ်သတင်းကား ဥဒါန်းမကျေရှိတတ်၏။ ထို့ ကြောင့် မိမိသည် ဖက်ရှင်တို့ ကိုထွင်ရင်းဝတ်ရင်း မိမိနိုင်ငံ၊ မိမိလူမျိုး၏ ဂုဏ်နှင့်အတူ ယဉ်ကျေးမှုကို စောင့်ရှောက်ကြဖို့  ဖက်ရှင်လောကထဲက အနုပညာသမားများကို တိုက်တွန်းပါသည်။

                                                                                      ဧပရယ်ဆွေဆွေ
                                                                   (30-12-2012 8း 30 PM )

0 comments: